HATAW! D'yaryo ng Bayan hatawtabloid.com
HINATULAN ng Sandiganbayan na guilty ang apat opisyal ng Philippine Sports Commission (PSC) at dalawang opisyal na supplier ng sports equipment.
Ayon sa Sandiganbayan, makukulong mula anim hanggang 10 taon ang kasalukuyang PSC Deputy Executive Cesar Pradas, mga dating opisyal na sina Simeon Gabriel Rivera, Marilou Cantancio at Eduardo Clariza.
Inihayag ng korte, dapat silang panagutin sa paglabag sa Section 3(e) ng Anti-Graft and Corrupt Practices Act bunsod nang maanomalyang pagbili ng mga equipment na ginamit noong 2007 Southeast Asian Games Philippine cycling team.
Sinasabing overpriced ang kontrata nang mahigit na P671,200 na ini-award ng Elixir Sports.
Ang dalawang opisyal ng kompanya na sina Roberto at Lawrence Andrew Magaway ay hinatulan ding guilty.
Napatunayan ng mga prosecutor mula sa Ombudsman, noong Disyembre 2007, sina Pradas at mga kasamahan ang siyang namahala sa procurement ng sports equipment na nagkakahalaga ng P2.3 milyon sa kabila na hindi dumaan sa tamang proseso ng bidding at eligibility check ng supplier.
Maging si Magaway ay umamin daw na alam nila ang bidding bago pa man ang posting ng PSC.
