Mocha bilang consultant, itinanggi ng Customs

TODO paliwanag ang Bureau of Customs sa unang pahayag na napipisil para maging “social media consultant” ng ahensiya ang sexy singer/dancer na si Margaux “Mocha” Uson.

Ayon kay BoC Commissioner Nicanor Faeldon, na-misquote lamang siya at hindi itatalaga si Mocha sa nasabing posisyon ngunit maaari raw magsulat ng articles tungkol sa BoC lalo’t isang active blogger ang 34-anyos performer.

Pahayag ito ni Faeldon makaraan agad ulanin ng batikos mula sa mga kritiko ang tila kompirmadong appoinment kay Mocha na agad nag-trending o usap-usapan.

Kung maaalala, nagpapatupad ng ilang sweeping reforms si Faeldon sa Customs na inilarawan ni Pangulong Rodrigo Duterte bilang isa sa corrupt na government agency.

Dagdag niya, nag-volunteer si Mocha na tumulong sa pagkalat ng lahat ng impormasyon at agenda ng ahensiya, gayondin ang pag-improve sa social media activities ng BoC.