Sangre serye ng GMA, ‘di pa rin makaungos sa FPJ’s Ang Probinsyano

TO create an illusion na tinatalo nito ang FPJ’s Ang Probinsyano, ang inilalabas na ratings ng GMA na kesyo nakauungos ang kanilang fantaserye ay sumasakop lang sa Urban Luzon, at hindi—inuulit namin—buong Pilipinas, ‘no!

Tuloy, nakapanlulumo na sa kabila ng malaking ginagastos ng GMA on talent fees sa cast, production design, visual effects at kung ano-ano pa para pagandahin lang ang kanilang epiko ay hindi ito makaalagwa sa ratings.

Patuloy pa rin kasing namamayagpag ang teleserye ni Coco Martin, na kung hindi ba naman inilalampaso nito ang pinagsanib na puwersa ng hari’t reyna at ng mga diwata, extended lang naman ito hanggang 2017.

Credit should not only go to Coco sampu ng mahuhusay na co-actors niya sa Ang Probinsyano. It’s but fair na bigyan din ng kaukulang papuri ang beking bata na si Mac-Mac.

Bagamat hindi tino-tolerate ng ating lipunan hangga’t maaari ang paglalantad ng mga bading sa musmos pa nilang edad, lalong hindi naman sila dapat kamuhian.

Ayon nga sa speaking line ni Mac-Mac, “Bongga!”

HOT, AW! – Ronnie Carrasco III