Asawa ni actor, padyokad pa rin

ISANG may-asawa nang female personality suma-sideline pa rin?

Kami man ay na-shock sa tsika na ang inaakala pa man din naming happily married na personalidad na ito ay nangungulit sa kanyang “manager” na i-book siya.

Sey daw ng bugaloo, ”Kung noon, puwedeng-puwede siyang mamresyo ng P150,000 kada booking, pero sa hitsura niya ngayon, walang mayamang magkakamaling kumuha sa kanya, ‘no!”

Ayon kasi sa booker, bumagsak na ang dating magandang hubog ng katawan ng babaeng ‘yon. Matrona na nga kung titingnan, kaya paano raw niya maibebenta ito sa rating asking price?

Pero teka, paanong naaatim ng padyokad na babaeng ‘yon na masadlak pa rin sa flesh trade gayong may asawa na siya?

“Naku,” hirit uli ng bugaling, ”kiyeme-kiyemeng may out-of-town show siya, ‘yun ang gasgas niyang dahilan sa dyowa niya kaya nakakapuslit siya ng bahay. Eto namang dyowa niya, walang kaalam-alam sa milagrong pinaggagagawa ng misis niya!”

Da who ang babaeng personalidad na itey? Ilalayo lang namin ng kaunti ang kanyang pagkakakilanlan sa alyas na Lenny Salay-salay.

( Ronnie Carrasco III )