HATAW! D'yaryo ng Bayan hatawtabloid.com
AMINADO si Ysabel Ortega na nakaramdam siya nang kakaibang challenge sa papel niyang kontrabida sa TV series na Born For You. Although gumanap din siyang kontrabida sa seryeng On The Wings of Love na tinampukan nina James Reid at Nadine Lustre, kakaiba at mas intense raw ang pagiging bad girl niya rito.
“Kasi iyong role ko sa OTWOL, third party siya pero hindi kasing-intense ng role ko ngayon dito sa Born For You. So, maganda po ito sa akin dahil nacha-challenge talaga ako. Marami akong nagawa rito as Nina na hindi ko nagawa sa OTWOL. Kaya sobrang masaya ako,” nakangiting esplika niya.
Pahabol pa ng alaga ni katotong Ogie Diaz, “Ako po yung third party doon, ang pangalan ko is Nina. Ako po yung ex-girlfriend ni Kevin na karakter ni Elmo.
“Abangan po sana nila lagi ang Born For You at ang tandem nina Sam-Vin (Janella at Elmo), maraming pasabog po sa serye. Pati po yung twist sa character ko rito.”
Nag-e-enjoy ka ba sa role mo ngayon?
“Para sa akin po hindi naman iyon tungkol sa role. Kahit anong role naman po ay okay lang sa akin, magiging grateful po ako kung matatanggap ako o kung magiging parte ako ng isang teleserye. So, roon pa lang ay masaya na ako at nagpapasalamat sa mga nagtitiwala sa akin.”
Ano ang payo sa iyo ni Ogie pagdating sa lovelife? “Bawal po, bawal na bawal!” Nakangiting saad ni Ysabel. “Sobrang higpit po, mahigpit na mahigpit silang dalawa ng Mama ko.
“Gusto po nila Mama ko at ni Tito Ogie na focus muna ako sa career ko. Saka na po iyong love life and masyado pa naman akong bata pa rin, seventeen pa lang po ako now,” saad pa ng anak nina ex-senator Lito Lapid at ng singer na si Michelle Ortega.
ALAM MO NA! – Nonie V. Nicasio
