Mahusay na actor, pinababawasan ang exposure ng co-actor ‘pag kinakabog

PARANG ‘di kapani-paniwala ang tsika tungkol sa isang mahusay na aktor. Totoo nga bang kapag kinakabog siya ng isa niyang co-actor sa isang teleserye ay ipag-uutos niya agad na bawasan ang exposure nito kundi man pagpahingahin muna ito?

Sa mga hindi nakaaalam, may creative input ang insecure na aktor sa kanyang palabas pero lisensiya na ba ito para ganoon ang gawin niya sa mga kasama niya roon na pinaghuhusay din ang kanilang mga trabaho?

Nasampolan kasi ang isa niyang kasama na sa totoo lang ay pagkagaling-galing sa role na ginagampanan nito. Pero sa halip na humanga sa kanya ang bida sa kuwentong ito, pansamantala munang pahinga ang karakter nito.

Mahusay naman ang naiinsekyur na aktor na itago na lang natin sa alyas na Cosme Martinez.

( Ronnie Carrasco )