Tiyuhin pinatay ng pamangkin dahil sa walis-tingting

DAGUPAN CITY – Pinatay sa taga ng pamangkin ang kanyang tiyuhin nang mapuno dahil sa pananakit sa kanya sa Brgy. Guliman sa bayan ng Malasiqui sa lalawigan ng Pangasinan kamakalawa.

Agad binawian ng buhay ang biktimang si Silverio Angel nang tagain ng pamangkin na si Oliver Ramos makaraan pagalitan dahil sa hindi pagbabalik ng hiniram na walis-tingting.

Ayon sa suspek, hindi niya napigilan ang sarili nang pagalitan siya at pukpukin ng tubo ng tiyuhin dahil sa hindi naibalik na walis-tingting.

Ipinagtanggol lamang daw niya ang kanyang sarili at dulot na rin ng galit sa tiyuhin na madalas siyang saktan.