HATAW! D'yaryo ng Bayan hatawtabloid.com
DAGUPAN CITY – Binaril at napatay ng riding in tandem suspects ang itinuturing na ikawalo sa top drug personality sa bayan ng Calasiao sa lalawigan ng Pangasinan.
Pinagbabaril ng hindi nakilalang mga suspek ang biktimang si Richard Flores habang nakikipagkwentuhan sa ilang kakilala.
Nabatid na isa si Flores sa mga sumuko at nakipagtulungan sa pulisya naging dahilan sa pagkahuli sa high value target na si Dennis Gavino na nakompiskahan ng pera, droga at baril.
MAG-UTOL NA TULAK PATAY SA DRUG RAID SA ALBAY
LEGAZPI CITY – Patay ang magkapatid na hinihinalang drug pushers makaraan lumaban sa mga pulis sa buy-bust operation sa Brgy. Calzada, Ligao City, Albay dakong 7 pm kamakalawa.
Ang mga biktima ay kinilalang sina Joel Sadia at Salvador Sadia.
Napag-alaman, pinaputukan nang magkapatid ang mga pulis makaraan makipagtransaksiyon sa isang poseur buyer.
Gumanti ng putok ang mga pulis na ikinamatay ng magkapatid.
3 DRUG SUSPECTS PATAY SA POLICE OPERATIONS SA BULACAN
PATAY ang tatlo katao na hinihinalang sangkot sa illegal drug trade sa magkakahiwalay na police operations sa lalawigan ng Bulacan.
Ayon sa ulat, si Zaldy Carinio ay napatay makaraan makipagbarilan sa mga pulis sa Bocaue.
Sa Malolos City at sa bayan ng Sta. Maria, dalawa pang drug suspects ang napatay na kinilalang sina alyas Ben at alyas Moris.
2 DRUG PERSONALITY PATAY SA SHOOTOUT SA BAGUIO CITY
BAGUIO CITY – Patay sa shootout ang dalawang hinihinalang drug personality sa lungsod ng Baguio nang lumaban sa mga pulis sa Labsan St., Brgy. Kayang Extension, Baguio City kahapon ng madaling-araw.
Ayon sa pulisya, ang mga biktimang hindi pa nakikilala ay nakipagbarilan sa mga tauhan ng City Anti-Illegal Drugs Special Operations Task Group sa ikinasang buy-bust operation sa naturang lugar.
