HATAW! D'yaryo ng Bayan hatawtabloid.com
NAGULAT kami kay Buboy Villar, noong makita namin siya roon sa launching, inamin niyang nagulat lang ang pamilya ng kanyang girlfriend nang ma-post sa social media ang tungkol sa kanilang relasyon, pero wala naman daw problema. Bigla pa niyang sinabi, ”in fact kasama ko siya ngayon.” Sabay turo nga sa Tisay na si Angillyn Serrano Gorens.
Umalis na rin daw si Angillyn sa bahay nila, at sa tono ng pananalita, mukhang kasama na siya ni Buboy. Pero hindi naman nila diretsahang inamin iyon.
Nang maghanap pa kami kung may iba pang detalyeng malalaman tungkol kay Angillyn, nakita namin ang kanyang Instagram account na siya mismo ang nag-post ng picture nila ni Buboy na tinawag niyang ”my love”. May isa pa siyang post na nagsasabing kung maaari, huwag nang pakialaman pa ng ibang tao ang kanilang relasyon ng kanyang boyfriend, kasi nakagugulo lang sila. Sinabi rin niya na walang pakialam kahit na sino sa kanilang relasyon.
Matindi iyon ha. Ibig sabihin, handa si Angillyn na talikuran ang lahat, maging ang kanyang pamilya dahil sa relasyon nila ni Buboy. Pinayagan naman daw ng nanay ni Angillyn si Buboy na manligaw sa dalaga, pero sinabing huwag munang masyadong seryosohin iyon dahil mga bata pa naman sila. Nagulat na lang daw ang ina ng babae nang malamang seryoso na ang kanilang relasyon.
HATAWAN – Ed de Leon
