HATAW! D'yaryo ng Bayan hatawtabloid.com
MAPAGMAHAL talaga si Willie Revillame sa mga nagiging tauhan niya sa Wowowin.
Hindi agrayado ang sinuman sa mga staff niya. Kaparis na lamang noong mag-birthday ang komedyanteng singer na si Donita Nose. Mistulang may concert ito na kumanta ng tatlong beses sa Wowowin.
Walang pakialam si Willie kahit kumain ng maraming oras ang ginawang pagkanta ni Donita na ipinagawa pa ng red gown mula sa isang pamosong couturier na gumagawa ng mga gown ng beauty queen.
Hindi akalain ni Donita na masisira ang poise n’ya nang ipakita ss screen ang mga kaibigan niyang bumabati sa kanya. Nang ipakita na ang picture ng Nanay ni Donita, humagulgol ito ng iyak. Nakalimutan niyang nasa harap ng kamera dahil iyak to the max talaga siya.
Well, knowing Willie na maka-nanay din, pinaligaya niya si Donita. Humahanga kami sa Kapuso hindi sila maramot lalo sa mga nakatutulong sa programa nila.
Malapit nang pumunta ng Abu Dhabi ang grupong Wowowin para magpakalat ng jacket at mamudmod ng pera sa mga OFW.
SHOWBIG – Vir Gonzales
