HATAW! D'yaryo ng Bayan hatawtabloid.com
HINDI rin nakapag-perform si Vice Ganda sa victory party ni President elect Digong Duterte. Noong magsisimula na siya ay nawalan ng ilaw sa mismong venue, kasunod ng napakalakas na ulan. Kumaway na lang siya sa mga taong naroroon.
Noong una nga raw, tinitiniis ng mga tao ang malakas na buhos ng ulan at nanonood sila sa mga performer, pero nang magkaroon na ng problema sa koryente, nawala na ang sound system at ang mga ilaw sa venue, ano pa nga ba ang gagawin nila.
Iyon pa naman ang sinasabi nilang finale number sana, iyong performance ni Vice Ganda. Isipin mo, sinasabi nila mga kalahating milyong tao ang naroroon. Tapos hindi rin naman siya nakapag-perform. Iyon sana ang biggest crowd para kay Vice Ganda.
Ganoon lang talaga ang buhay. Kung sabihin nga nila weather-weather lang. Eh nagkataong tinamaan sila ng masamang weather, hindi na natuloy ang victory party na dapat sana talaga hanggang madaling araw.
HATAWAN – Ed de Leon
