HATAW! D'yaryo ng Bayan hatawtabloid.com
MASAKIT pakinggan ang mga usapan mula sa isang network tungkol sa isangaktres na umano ay talagang naghahanap pa ng big star treatment hanggang ngayon. Nakasanayan kasi niya na siya ang reyna. Nangyari naman iyon noong araw. Kaya hinahanap niya ang dating treatment sa kanya na hindi na yata niya nakukuha ngayon.
Noon, ang dressing room na assigned sa kanya, hindi nagagamit ng iba kahit na weekly lamang ang kanyang show, dahil may iniiwan na siyang mga gamit at damit doon. Dati may sarili siyang make-up artist, wardrobe assistant at lahat na. Ngayon ay wala na iyon.
“Ina-accomodate na lang naman siya ngayon,” sabi raw ng isang staff. Masakit pakinggan iyon pero siguro nga kung minsan kailangan nating tanggapin ang katotohanan. Dito sa showbusiness, iba talaga ang tingin sa mga big star at sa hindi. Sa aminin man natin o hindi, hindi naman nananatili ang pagiging big star ng kahit na sino. Talaga din namang bumabagsak din sila.
Laging may bagong stars. Laging may bagong sumisikat. Natural kung sino ang mas sikat, sila naman ang susuyuin ng mga producer at mga network. Iyong mga bumaba na ang popularidad, medyo naiiba na rin pati ang accommodations nila.
( Ed de Leon )
