Ilang Hashtags member, feeling superstar na

GUSTO ko ang ugali nitong baguhang Hashtags member na si Jameson Blake. Everytime na nakakasalubong namin ito, hindi niya nakalilimutan ang aming mukha. Bumabati ito sa amin. Hindi tulad nitong isa o dalawa o tatlo sa mga kasamahan niya na kahit ilang beses nang ipinakilala sa kanila hindi ka man lang lilingunin.

Nakakabuwisit lang dahil hindi pa man nakararating sa tagumpay na gusto eh kung umasta ang mga ilan sa kanila ay feeling superstars na.

‘Yan naman kasi sa showbiz, minsan, kung sino pa ang nakapaligid sa kanila, sila pa ‘yung nakalilimot magpaalala sa kanilang mga alaga na hindi dapat ganoon. Mahalaga kasi sa showbiz ang pagiging totoo at magkaroon ng lambing sa kahit sinong nakakasalamuha. Hindi ‘yung inakyat mong mag-isa ang tagumpay sa kukote mo kaya puro hangin ang nasa ulo. Hay naku.

At saka na kayo magyabang kapag may napatunayan na kayo. Ke bago-bago ninyo sa industriyang ito, hangin na kaagad. Hindi ba puwedeng dahan-dahan lang ni Maja Salvador muna ang kanta ninyo? Kalurks!

REALITY BITES – Dominic Rea