HATAW! D'yaryo ng Bayan hatawtabloid.com
MAS magiging komplikado pa ang buhay ng magkaibigang Wilma (Pokwang) at Maricel (Melai Cantiveros) sa pagpapasya ng huli na makipagsapalaran sa ibang bansa para matustusan ang pagpapagamot ng kanyang anak at lola sa Kapamilya primetime series na We Will Survive.
Ibayong pag-aalala ang naramdaman ni Maricel matapos niyang malaman ang balitang na-stroke at muntik malagay sa peligro ang buhay ni Lola Judy. At hindi pa man bumubuti ang kalagayan ng kanyang lola, lalo pang madaragdagan ang pagkabahala ni Maricel dahil sunod namang ma-oospital si Baby Jude na madadapuan ng sakit na dengue.
At dahil sa mga hindi inaasahang pangyayari, kukunin ni Maricel ang oportunidad na magtrabaho sa Spain upang mabayaran ang mga gastusin sa ospital at mapunan ang mga pangangailangan ng kanyang pamilya. Bilang tulong naman sa kanyang kaibigan, sisiguraduhin ni Wilma na bibigyan niya ng ibayong pagmamahal at pag-aaruga si Baby Jude.
Ngayon ngang nakatakdang umalis si Maricel, paano nito haharapin ang buhay na malayo sa kanyang pamilya? Mabigay niya kaya ang kinabukasang hinahangad para sa kanyang anak?
Ang lahat ng iyan ay matutunghayan sa We Will Survive tuwing gabi, bago mag-TV Patrol sa ABS-CBN o sa ABS-CBN HD (Sky Cable ch 167). Maaari ring panoorin ang past episodes ng palabas sa iWanTV.com o saskyondemand.com.phpara sa Sky subscribers.
UNCUT – Alex Brosas
