‘Utol’ ni Chucky for sale sa halagang $1

NAGHAHANAP ba kayo ng magiging bagong best friend forever (BFF)?

Nagdulot ng kilabot sa social media users ang nakahihilakbot na Craigslist ad na nagtatampok sa tinaguriang humahalakhak na manika.

May maitim at nakatatakot na mga mata, nakasuot ng ruffled black dress at may hawak na isang bulaklak sa kamay, ang manika ay mistulang mula sa horror movie.

Ayon sa paliwanag ng Oklahoma City-area seller: “Our daughter doesn’t want it anymore.

“Our dog won’t stop barking at it and we never find it where we left it. Doll has really cute laugh. No batteries,” ayon sa deskripsiyon ng ad.

Ang larawan ng ad ay ini-upload sa Imgur at Reddit. Dinagsa ito ng mga komento na nagsasabing ayaw nila itong bilhin.

Isang hindi na natinag na Imgur user ang nagsabing ang manika ay “barely abnormal” kung maghahanap ka ng katulad na items sa market online.

“Search EBay for ‘Haunted Dolls,’” anila. “There’s a bunch, with back stories, going for a lot more than a dollar.”

At totoo nga, maraming nakasaad sa eBay listing para sa “haunted dolls”, sa presyong mula sa ilang dolyar hanggang $5,650.

At katulad ng ulat ng Huffington Post nitong nakaraang taon, ang ilan sa tinatawag na “haunted dolls” ay collectors items.

Hindi pa nakukuha ang komento ng nasabing Oklahoma seller.

(THE HUFFINGTON POST)