Panaginip mo, Interpret ko: Ina sa tatlong babae ng ex-hub

Gudevening po Señor H,

Twagin niu na lamang po ako sa pangalang b.k. na2ginip po ang mama ko kninang hapon pag- tulog nia kinwento nia sken na ung ex husband ko npanaginipan nia at tatlo dw kming ba2e nia at ung isa hinahabol dw mama q pra saksakin at dinedemanda dw xa iyak dw xa ng iyak sa korte at cnasabi dw ng judge sa knia na wg na xang umiyak dhil pnagbigyan lng dw nia ung baeng un at ung sahig dwnmen ba2gsak na at mahuhulog dw xa dun ta2nungin po sna kung anu po bng ibg svhin ng panaginip niang un hi2ntayin ko po ang sagut mo sa HATAW mraming salamat po…mgreply ka po sna ng ok kung ntanggap mu po ang text ko salamat po ulit (09489969884)

To B.K.,

Maaaring ang ganitong tema ng panaginip ay nagkataon lang, dahil  sa mga bagay na nagsilbing trgger para mapanaginipan ng mother mo ang iyong ex-husband. Maliban na lang siguro kung may issue ang pamilya ninyo sa dati mong asawa, tulad ng sustento sa mga anak ninyo (sakaling may anak kayo), visiting right at mga katulad na bagay. Mas makapagbibigay ng kaliwanagan sa kahulugan ng panaginip ng mother mo kung babalikan niya ang posibleng rason ng pagsulpot ng dati mong asawa sa kanyang panaginip. Kung wala naman talagang dahilan para mapanaginipan niya ito, gaya ng sabi ko, maaating nagkataon lang ito at wala talagang significance sa bungang-tulog niya.

Ang ukol sa pag-iyak naman ay maaaring nagsasaad ng pag-release ng negative emotions na may kaugnayan sa sitwasyong ikaw ay gising. Ang luha ay nagpapakita ng compassion, emotional healing at spiritual cleansing. Alternatively, ito rin ay maaaring nagsasaad ng sakit at kabiguan. Ang iyong panaginip ay isang paraan upang manumbalik ang ilang emotional balance at isang paraan na rin upang ligtas na mailabas ang iyong takot at kabiguan. Sa ating pang-araw-araw na buhay, may mga pagkakataong hindi natin napapansin, itinatanggi, o kinukuyom natin ang ating mga damdamin. Pero kapag tayo ay nasa kalagayang tulog, ang ating defense mechanisms ay hindi na nagbabantay kaya nagkakaroon ng pagkakataon na mai-release ang ganitong mga emosyon.

Hindi ko maintindihan kung ano ang ibig ipahiwatig o tukuyin sa panaginip na nagsasabi ng ukol sa pinagbigyan lang ang babaeng iyon. Sino ang babaeng iyon? Ito ba ay kalaguyo ng ex-husband mo? (Itutuloy)