HATAW! D'yaryo ng Bayan hatawtabloid.com
ITO ang pagkakaibigan na ngayon ay viral na sa mundo. Sa video na ini-post ng Core Sea ay makikita ang isang porcupine fish na na-trap sa net sa Chaloklum Bay, Thailand. Ngunit hindi nag-iisa ang isdang ito.
Naroroon sa kanyang tabi ang isa pang isda na ayaw iwan ang kanyang kaibigan, bagama’t may dumating na tao.
Karaniwang lumalayo ang isda kapag may lumalapit na tao sa pangambang sila ay manganib, ngunit taliwas ang isdang ito.
Gumamit ang nasabing lalaki ng isang piraso ng basag na bote para putulin ang net upang makawala ang isda habang nakamatyag sa tabi ang isa pang isda.
Isinulat ni Barbara J. King, anthropology professor ng College of William and Mary, sa NPR, ang mga isda ay maaaring lalaki at babae, ngunit hindi pa ito makompirma.
Kalaunan ay naputol ang net at ang dalawang magkaibigang isda ay malayang nakalangoy palayo. (THE HUFFINGTON POST)
