Feng Shui crystals

ANG dalawang rose quartz hearts ay kadalasang inilalagay sa Southwest feng shui area ng bahay upang maisulong ang happy energy sa love relationship. Kadalasang ang full bowl ng rose quartz crystals ay inilalagay sa bedroom bilang feng shui love cure.

Kung ang inyong anak ay nahihirapang mag-concentrate at nagiging overexcited, ang ilang piraso ng hematite ay makatutulong upang mai-ground at maisentro ang kanyang enerhiya. Maaari itong ilagay sa child’s room o sa West (Childrend and Creativity) feng shui area ng bahay. Ang tumbled hematite ay kadalasang ginagamit sa feng shui para mai-ground at maisentro ang enerhiya, gayondin bilang proteksiyon.

Ang good feng shui use ng black tourmaline, obsidian at hematite ay sa font door para mapakinabangan ang kanilang protective qualities. Maaaring maglagay ng ilang tumbled hematites o black tourmaline stones sa labas o sa loob ng front door sa ‘visually pleasing way.’ Halimbawa, kung mayroong malaking pots na may halaman sa magkabilang panig ng main door, maaaring ilagay ang stones sa ibabaw ng lupa o sa base ng plant pot.

Ang blue kyanite at citrine ay dalawang crystals na hindi na kailangan ng ‘cleansing’ dahil sinisipsip ng mga ito ang negative energy.

Maaaring gumamit ng blue kyanite para sa proteksiyon at relaxation/stress relief, habang ang citrine ay isa sa classical feng shui cures na naghihikayat ng yaman. Mapalalakas ang healing energy ng blue kyanite sa pamamagitan ng paggamit nito – sa jewelry o sa decor displays – kasama ng clear quartz crystals. Ang abundant energy ng citrine ay maaaring mapalakas sa pamamagitan ng paggamit nito kasama ng rich fiery color stones katulad ng carnelian, red agate, jasper, at tiger’s eye.

Mainam na ‘linisn’ agad ang crystals makaraang mabili o matanggap ito bilang regalo. Ang crystal cleansing ang magre-reset ng kanilang vibrations para matanggap ang kanilang bagong tahanan at bagong may-ari. Ang crystals ay dapat na i-clean nang regular, gayondin ay itrato sa magalang at mapagmahal na pamamaraan.

Maaaring linisin ang crystals sa maraming paraan, sa paglublob sa pure water (may asin o walang asin), o sa smugding habang nagsasagawa ng space clearing sessions.

ni Lady Choi