HATAW! D'yaryo ng Bayan hatawtabloid.com
SA HULING weekend ng buwang ito magsisimula na ang Season 78 women’s volleyball ng University Athletic Association of the Philippines.
Unang maglalaban sa Enero 30, Sabado, ang Adamson University at University of the East sa alas-dos ng hapon kasunod ang sagupaang Far Eastern University at De La Salle University sa alas-kuwatro.
Kinabukasan ay maglalaban ang defending champion Ateneo de Manila kontra National University sa alas-4 ng hapon pagkatapos ng sagupaang University of the Philippines kontra University of the East sa alas-dos.
Habang sinusulat ito ay wala pang venue na inaanunsiyo ang UAAP para sa mga larong ito ngunit lahat ng mga laro sa eliminations ay gagawin sa Filoil Flying V Centre sa San Juan.
Ang sagupaang Ateneo-La Salle ay idaraos sa Pebrero 28.
Sisikapin ng Lady Eagles sa pangunguna ni Alyssa Valdez na makuha ang kanilang ikatlong sunod na korona ngayong taong ito.
Noong isang taon ay winalis ng Ateneo ang oposisyon tungo sa kampeonato sa ilalim ng head coach nilang Thai na si Tai Bundit. ( James Ty III )
