HATAW! D'yaryo ng Bayan hatawtabloid.com
NAPANOOD namin ang first week ng And I Love you So na pinagbibidahan nina Julia Barretto at Miles Ocampo.
Bongga ang initial five day episode, talagang pasabog ang mga eksena.
Sobrang galing ni Angel Aquino bilang babaeng nagmahal ng sobra pero hindi natumbasan ang kanyang love. Nuanced na nuanced ang acting niya sa lahat ng eksena especially doon sa scene na tinaray-tarayan niya ang marketing manager ng hotel na pag-aari nila. Lutang na lutang ang kanyang kahusayan sa acting. Ang maganda pa sa kanya, believable siya bilang sosyal na nanay ni Julia.
Magaling din si Julia at ang laki na ng in-improve sa acting. Bilang solong anak ni Tonton Gutierrez, naitawid ni Julia ang hinihinging angas ng kanyang role. She’s bitchy here, mean na mean ang kanyang character.
Magaling din si Miles bilang anak ni Dimples Romana na lumaking simple lang. She’s perfect for the role. Bigla naming naalala sa kanya si Kathryn Bernardo sa Mara Clara.
Swak na swak din si Dimples bilang isang simpleng babaeng nagparaya para sa kanyang kaibigan. Sa kanyang mga eksena ay lutang ang kanyang kasimplehan. Natural na natural ang acting.
Bilang isang sikat na singer ay bagay si Inigo Pascual sa kanyang role. First soap ito ni Inigo at hindi naman niya binigo ang kanyang fans.
Glossy ang pagkakagawa sa And I Love You So at talagang pinagkagastusan ng Dreamscape Entertainment Televisionang latest nilang teleserye.
UNCUT – Alex Brosas
