Elmo, napapabayaan ng GMA kaya lumipat ng Dos

MAY bagong Kapamilya, si Elmo Magalona. Nangyari na ang much-awaited paglipat niya sa ABS-CBN nang pumirma siya sa Dos kahapon.

Five years din si Elmo sa GMA-7 and it was quite a big surprise kung bakit nila nilayasan ang Siete.

We asked him kung napabayaan ba siya ng Siete kaya iniwan niya ito. Marami na rin kasi ang nagrereklamo sa former network niya dahil maraming talents ang napapabayaan. Apparently, may favoritism sa Siete at doon lang sila concentrated sa mga la favorita  nila.

“Wala pong…hindi po ‘yon ang nasa isip ko noon. Hindi ko naman iniwan ‘yung five years na experience ko na ibinigay sa akin ng GMA. Iyon po ang nag-mold sa akin. Hindi naman po ako nagkaroon ng (sama ng loob),”esplika ni Elmo na magbibida sa Born For You kasama si Janella Salvador.

Lahat ng lumipat sa ABS-CBN mula sa GMA ay sumikat at naging actor. Ganon din ba ang wini-wish ng actor?

“Yes, nag-flourish sila. I hope that I can deliver para maging ganoon din ang makuha ko. I’m not really expecting anything,” sagot ng binata.

UNCUT – Alex Brosas