HATAW! D'yaryo ng Bayan hatawtabloid.com
HINDI po mali ang spelling ng aming pamagat na intertainment. Tama po ito dahil ito ang maglalarawan sa show ni Michael Angelo sa GMA NewsTV, ang#Michael Angelo na isang inspiring at entertaining show.
Ang #MichaelAngelo Season 3 ay isang 30-minute inspirational comedy talk show na magtatampok ng mga bagong segment at magha-highlight ng mga portion na rati nang nagustuhan ng mga viewer tulad ng TomGu sketches, Payobg Kahashtag, at ang Celebrity Guest interviews.
At sa bagong season, mapapanood ang New Celebrity Gimmik, na bukod sa usual games kasama ang mga celebrity guest, magkakaroon ng “Celebrity Challenge” na itsa-challenge sila para gumawa ng stunt para sa viewers. Magkakaroon din ng “Celebrity in Action” na ipa-follow o iko-cover ang mga ginagawa nilang advocacy.
Mayroon ding Short Inspirational Talk na alam naman nating magaling at maayos na nagagawa ni Michael Angelo maging ito’y personal (interpersonal relationshil), Social (Trending ‘uso’), o Political (sino ba iboboto?) issues na tiyak na kapupulutan at magiging interes sa mga manonood.
Sa galing magsalita ni Michael Angelo, tiyak na kulang ang 30 minuto sa rami ng gusto niyang ibahagi sa viewers. At tiyak kong walang maiinip sa sinumang tututok sa kanyang show. Kaya kung gusto ninyong ma-inspire, sumaya, at magkaroon ng good vibes, tutok lang sa Hashtag Michael Angelo sa GMA NewsTV channel na mapapanood tuwing Sabado, 4:50 p.m.
SHOWBIZ KONEK – Maricris Valdez Nicasio
