HATAW! D'yaryo ng Bayan hatawtabloid.com
TANONG ng writer-friend namin, bakit wala raw sa teaser ng teleserye niya si Nora Aunor?
Napansin kasi niya na hindi kasama si Ate Guy sa unang teaser ng teleseryeng pinagbibidahan ni Kris Bernal. Bakit daw parang binastos si Ate Guy.
Hindi naman kami makasagot dahil hindi naman kami nanonood ng anumang programa ng Siete. Para sa amin, aksaya lang ng oras ang panonood sa GMA-7 dahil wala naman silang nakaaaliw na show.
Say pa ng friend namin, sana raw ay mayroong hype para kay Ate Guy dahil ngayon lang ito gumawa ng teleserye sa Siete. Dapat daw ay may solo itong presscon to honor her.
Teka, baka walang budget ang GMA-7 for a solo presscon para kay Ate Guy.
But our friend insisted, bakit daw kay Marian Something mayroon silang budget for a solo presscon.
Well, hindi na kami nagtaka. Sa GMA naman ay may kinikilingan, may pinoprotektahan.
UNCUT – Alex Brosas
