Panaginip mo, Interpret ko: Niyakap ng aso sa panaginip

Dear Señor H.,

Nanaginip po ako nglalakad po ako ksma mga kaibgan ko. Tapoz nung huminto kme my lumapit na aso tpoz yumakap xa aqhin. Anu po ibg sbhn nun? Wg nio nlng po epost cp.# ko.

To Anonymous,

Kung nanaginip ka na naglalakad at maayos naman ito, nagsasaad ang bungang-tulog mo na ikaw ay mabagal na naglalakbay sa buhay subalit steady naman ang pagsulong tungo sa iyong mithiin o mga pangarap. Ito rin ay nagpapakita na ikaw ay sumusulong sa iyong buhay sa pamamaraang naroon ang iyong kompiyansa, subalit dapat ding maging mapagmatyag at ikonsidera ang iyong landas na tinatahak at patutunguhan. Kung nahihirapan ka naman sa paglalakad, nagpapahayag ito ng pag-aalinlangan sa pag-usad hinggil sa ilang sitwasyon bunsod ng mga balakid at sagwil na kakaharapin o kasalukuyang hinaharap na sa iyong buhay.

Ang kaibigan sa iyong bungang tulog ay may kaugnayan sa aspeto ng iyong personalidad na hindi mo tinatanggap, ngunit handa ka namang kilalanin. Ang pakikipagrelasyon mo sa mga taong nakapaligid sa iyo ay mahalaga upang mas makilala mo pa ang iyong sarili. Alternatively, kapag nanaginip ka ng kaibigan mo, ito ay may kinalaman din sa positive news. Kapag childhood friend naman ang napanaginipan, may kaugnayan ito sa iyong mga nakaraan, lalo na noong bata ka pa na wala kang responsibilidad na inaalala o iniintindi. Maaaring senyales din ito na gusto mong takasan ang pressure at stress ng pagiging isang adult, sakaling adult ka na. Ikonsidera ang relasyon mo sa kaibigang napanaginipan at ang mga aral na natutunan sa inyong friendship. Posible rin naman na nami-miss mo lang ang iyong bestfriend o mga kaibigan kaya sila sumagi sa iyong panaginip. Kasama na rin dito ang mga bagay na lagi ninyong ginagawa, pinupuntahan, paboritong kinakain, o mga katulad na bagay.

Ang aso sa panaginip ay simbolo ng intuition, loyalty, generosity, protection, at fidelity. Ito ay nagsa-suggest na ang iyong strong values at good intentions ay magiging susi ng iyong pag-usad at tagumpay. Alternatively, ito ay maaari rin namang nagsasaad ng ukol sa talentong iyong binabalewala o kinalimutan na. Sakali namang ang aso ay mabagsik at umuungol, ito ay nagpapakita ng ilang inner conflict sa iyong sarili. Maaari rin naman na ang panaginip mo ay nagsasaad ng betrayal at untrustworthiness. Posible rin na ito ay nagpapakita na nawala o nawawala ang iyong kakayahan upang balansehin ang ilang aspeto ng iyong buhay. Maaaring ito ay bunsod ng iyong agam-agam upang harapin ang bagong sitwasyon o kaya naman, wala kang interes o kagustuhang umabante tungo sa iyong mithiin. Alternatively, maaari rin naman na ito ay sagisag ng disloyalty para sa ilang malalapit sa iyo na hindi mo pa pala talagang lubos na kilala. Dapat mo ring pahalagahan ang mga malalapit sa iyo na may pakinabang ka at may mabuting naidudulot para sa iyong interes at kapakanan.

Señor H.