4 patay, 13 arestado sa buy-bust ops ng PNP sa Bulacan

APAT ang patay habang 13 ang arestado sa buy-bust operation ng Bulacan PNP dakong 11:30 a.m. kahapon sa Sitio Crusher, Brgy. Bigte, Norzagaray, Bulacan.

Ayon kay Police Regional Office 3 Regional Director, Chief Supt. Rudy Lacadin, naglunsad ng buy-bust operation ang Norzagaray PNP laban sa grupo ng Eric Espinosa Drug Group na nagresulta ng ilang minutong palitan ng putok.

Sinabi ni Lacadin, bukod sa apat na namatay, nasa 13 katao ang naaresto sa nasabing operasyon.

Pahayag ng heneral, nasa proseso na ngayon ang chief of police ng Norzagaray, sa pagtukoy sa pagkakakilanlan ng apat na napatay.

Ayon pa kay Lacadin, walang naiulat na namatay o nasugatan sa panig ng pulisya.