HATAW! D'yaryo ng Bayan hatawtabloid.com
ANIMO typical na fan din pala ang magaling na aktres na si Ana Capri. Nang nakahuntahan namin siya recently, inusisa namin si Ana tungkol sa mga teenstars na pinagkakaguluhan ngayon ng maraming fans.
“Oo, naririnig ko rin yung mga love team, pati AlDub! Siyempre andyan yung Kathniel … Pero mas fan ako ng LizQuen, kasi kasama nila ako sa TV series na Forevermore eh, di ba?” Saad ni Ana.
Dagdag pa niya, “So, na-witness ko talaga kung gaano sila kasikat. Katulad noong pinagte-taping-an namin na bulubundukin sa Baguio. Para pumunta ka roon, best in effort ka talaga. Tapos mayroon silang line na hanggang doon lang ang fans, nandoon talaga sila. At ang lamig doon, para lang makita mo sila, di ba?
“’Tsaka kapag pinost mo picture nila sa Instagram, ang daming nagfa-follow talaga. Kaya hanggang ngayon, fan ako ng LizQuen, sinu-support ko sila.”
Sinabi rin ni Ana na gusto niya ulit makasama sa isang project ang dalawang teenstars. “Of course, kung mayroong offer, why not?”
Ipinahayag din ni Ana na aware siya kung gaano kalakas ang KathNiel tandem?
“Oo naman, in fairness, nakakapanood naman ako ng mga film nina Kathryn Bernardo at Daniel Padilla at kinikilig din ako sa kanila.”
Gusto mo rin bang makatrabaho ang KathNiel kung may chance?
“Oo siyempre, gusto kong makatrabaho sila. Kasi automatic yun di ba, magandang exposure at siguradong blockbuster!”
Sa ngayon, napapanood si Ana sa All Of Me sa ABS CBN bilang nanay ni Yen Santos. Tampok din dito sina JM de Guzman, Albert Martinez, Arron Villaflor, at iba pa.
Sa pelikula naman, isa si Ana sa casts ng Louie Ignacio movie na Laut na mula sa BG Productions International ni Ms. Baby Go at pinagbibidahan nina Barbie Forteza, Ronwaldo Martin (kapatid ni Coco Martin), Gina Pareno, at iba pa.
ALAM MO NA! – Nonie V. Nicasio
