HATAW! D'yaryo ng Bayan hatawtabloid.com
“ITO ang magandang comeback movie para sa akin,” ito ang iginiit ni Claudine sa presscon ng Etiquette for Mistresses ng Star Cinema at idinirehe ni Chito Rono.
Naniniwala si Claudine na napaka-challenging ng role niya bilang si Chloe na isa ring kabit kasama sina Kris Aquino,Iza Calzado, Cheena Crab, at Kim Chiu.
Ani Claudine, ”Nenjoy ko ‘yung role ko rito. Actually, dalawang pelikula na ang nagawa ko na naughty ako. Out of the box. Pero ito ‘yung talagang eskandalosa, grabeng magdamit. ‘Pag pumasok si Chloe mae-enjoy mo talaga ang presence n’ya.
“Ako kasi, hindi naman ako ganoon in real life, mahiyain talaga ako. Hindi mo makikita na ganyan-ganyan. Si Chloe mahilig tumawa parang ngayon ko lang uli nagawa ‘yun. Kaya naman pinaka-extreme na ito at challenging talaga.”
Naniniwala si Claudine na hindi man kagustuhan ay may nagiging kabit ”It really exist, marami akong kakilala na piniling tahakin ang ganoong klase ng buhay. Na may iba’t ibang rason. Ako po hindi ko masasabi mahirap mag-judge ng tao kasi alam naman natin kung ano ang tama, hindi naman namin gino-glorify. Choice natin sa buhay kung kaya nating may mga taong natatapan, o kaya nating magbigay o ayusin ang ating buhay.”
Masaya si Claudine na nakabalik sa Star Cinema na taong 2011 pa pala ang huling pelikulang nagawa sa naturang film company, ang In Your Eyes. ”Parang hindi pa ring makapaniwala na nakabalik na rin ako parang ang tagal-tagal ko kasing simple lang ang buhay, normal lang ang buhay, mother lang sa mga anak ko. Pero ‘yung ngayon, parang happy na ako kasi nakabalik na uli at napakaganda ng project na ito para sa isang comeback after so many years.”
Ani Claudine, after ng Etiquette for Mistresses, may isa pa siyang pelikulang gagawin muli sa Star Cinema.
SHOWBIZ KONEK – Maricris Valdez Nicasio
