Feng Shui: Prinsipyo ng nine numbers

SA prinsipyo ng nine numbers, ikaw ay napaliligiran ng walong iba’t ibang uri ng chi, kaya sa pagtungo sa bagong direksyon ikaw ay humaharap sa ibang tipo ng chi.

Ang chi ay iba dahil naaapektuhan ng kilos ng araw ang planeta, ang magnetic field ng mundo, at pwersa ng iba pang mga planeta. Ang ibig sabihin nito, ikaw ay makasasagap ng higit sa isang partikular na tipo ng chi patungo sa iyong sariling energy field at makakukuha ng higit pang characteristic ng nasabing enerhiya.

Ang pinakamadaling paraan sa paggawa nito ay ang pagtulog nang ang iyong ulo ay nakaturo sa direksyong kumakatawan sa enerhiyang sa iyong palagay ay higit mong kailangan.

Sa sistemang ito, ang nine energies ay nahahati sa apat na points ng compass (north, east, south and west), sa apat na direksiyon sa pagitan ng mga ito (north-east, north-west, south-east and south-west) at isa para sa gitna.

Bawa’t tipo ng chi ay binibigyan ng bilang mula isa hanggang siyam, na tumutukoy sa posisyon ng enerhiya sa magic square (ba gua). Upang maging malinaw ang enerhiya ng bawa’t direksyon, ito ay iniuugnay sa oras ng araw (day), season, elemento at trigram. (Ang trigram ay serye ng tatlong parallel lines, na maaaring solid o broken; ang solid lines ay yang at ang broken lines ay yin.)

Ang trigram ay iniuugnay sa family member (halimbawa, ang panganay na lalaki), at mga taong may isa sa limang elemento at mayroong sariling unique symbol mula sa kalikasan (katulad ng thunder).

ni Lady Choi