HATAW! D'yaryo ng Bayan hatawtabloid.com
NAKATUTUWA ang reaction ni Liza Soberano nang tanungin dito kung ano ang masasabi niya sa sobrang kasikatan niya ngayon? Tila nahihiyang sumagot ang batang aktres at hindi alam kung ano ang isasagot.
Tila hindi umaakyat sa ulo ang kasikatan ni Liza. Kaya naman hindi lumalaki ang ulo ng dalaga at napaka-humble pa rin hanggang ngayon.
Bukod sa pumatok ang kanilang teleserye at pelikula ni Enrique Gil, dumami na rin ang endorsement ng alagang ito ni katotong Ogie Diaz. Napag-alaman naming mayroon na siyang 13 endorsement sa kasalukuyan at nadagdag pa rito ang Nails.Glow…Nails & Body Spa na pag-aari ng mag-asawang Ferdie at AJ Opena. Ang Nails.Glow main office ay matatagpuan sa 2nd and 3rd level, Northridge Plaza Bldg., #12 Congressional Ave., Quezon City.
Ayon nga sa kuwento ng mag-asawang Ferdie at AJ, bago nila kunin si Liza bilang first celebrity endorser ay nag-survey muna sila sa kanilang staffs and customers sa iba’t ibang branches nationwide at iisa raw talaga ang pangalang lumitaw, ito nga ang name lang ni Liza.
Iginiit pa nina Ferdie at AJ na perfect choice si Liza dahil nagtataglay ito ng magsiglang personalidad, ganda ng mukha, at karakter at ang maganda at positibong imahe na makatutulong para maipalaganap ang beauty at wellness na siyang napakahalaga sa pagkakaroon ng maganda, positibo, at malusog na pamumuhay.
Natuwa naman ang aktres sa sinabing ito at hindi raw niya inakalang sa dinami-rami ng artista ay siya ang mapipili sa survey. ”At saka hindi ko naman po naiisip na nagsa-survey sila and ‘yung mga pumupunta roon, kilala pala ako. So, ‘yun, I’m happy,” ani Liza.
Sa kabilang banda, nakatutuwang lumalago na ang NDG na bilang bahagi ng kanilang paglago at commitment sa mga parokyano nila, sisimulan din ng NDG ang kanilangNDG Cares campaign. Kasama rito ang pagkakaroon ng training center para sa mga tauhan nila at pagpapadala sa mga office-based manager sa iba’t ibang seminar para palawigin ang kanilan kaalaman sa kani-kanilang area of specialization.
Magbibigay din sila ng libreng taunang flu vaccine sa kanilang mga empleado at mga franchisee.
Samantala, nami-miss na rin si Liza ng kanyang mga tagahanga at ang LizQuen loveteam nila ni Enrique dahil after Forevermore ay wala pa ulit silang bagong serye. Mayroon daw silang movie na ginagawa with Gerald Anderson, ito ay ang Everyday I Love You na ipalalabas this year at may soap uli sila pero hindi pa niya alam kung kailan ito ipalalabas.
SHOWBIZ KONEK – Maricris Valdez Nicasio
