HATAW! D'yaryo ng Bayan hatawtabloid.com
Gud am Señor,
Nagdrim aq about sa bahay namin tas po ay bigla namang kumidlat dw, bakit p ganun drim ko? Ano ang meaning kaya nito? Tnx po, dnt post my cp # I’m Leandro.
To Leandro,
Kapag nanaginip ng bahay, ito ay nagsasaad ng iyong sarili at ng iyong kaluluwa. Ang mga specific na bahagi o kuwarto ng bahay ay nagpapakita ng specific aspect of your psyche. Sa pangkalahatan, ang attic ay nagre-represent ng iyong talino, ang basement naman ay nagre-represent ng unconscious side mo, at etc. Kung ang bahay ay walang laman, ito ay nagpapakita ng feelings of insecurity, kung ito naman ay nagbabago, may kaugnayan ito sa mga personal na pagbabagong iyong pinagdadaanan o pagdadaanan pa lamang, pati na ng pagbabago ng iyong belief system. Kung ikaw naman ay nakulong sa bahay, ito ay may kaugnayan sa rejection at insecurity. Pakiwari mo, ikaw ay napag-iiwanan o iniwanan ng iba. Kung lumang bahay ang napanaginipan mo, ito ay nagsasaad ng iyong old beliefs, attitudes at kung paano ka rati mag-isip o makadama. Alternatively, ang lumang bahay ay maaaring simbolo ng pangangailangan mong i-update ang iyong mode of thinking. Sakali namang nakita sa panaginip na nasira o may damage ang inyong tahanan, indikasyon ito ng iyong pag-aalala sa kalagayan at kondisyon ng inyong tahanan sa estadong ikaw ay gising o sa totoong sitwasyon.
Ang kidlat naman sa panaginip ay may kaugnayan sa sudden awareness, insight, spiritual revelation, truth, at purification. Alternatively, ang kidlat ay nagpapahiwatig ng shocking turn of events. Maraming mga puwersang sumasaklaw sa iyong buhay na maaaring wala kang kontrol at ito ay maaaring destructive. Kapag nanaginip na ikaw ay tinamaan ng kidlat, ito ay sumisimbolo sa irreversible changes na mangyayari sa iyong buhay. Ikaw ay sumasailalim sa permanent transformation.
Señor H.
