HATAW! D'yaryo ng Bayan hatawtabloid.com
AMINADO si Nathalie Hart na daring ang papel niya sa indie film na Balatkayo (White Lies). Isang OFW siya sa Dubai sa pelikulang ito na bukod sa boyfriend niya ay papatol din siya sa lalaking may-asawa.
“It’s probably the most daring, I think because I have two partners that I have kissing scene. I’m not sure if I have a love scene with both of them, but nevertheless I haven’t done it in my previous movie roles.
“I’m scared pero of course my director will guide me,” saad ng magandang talent ni Leo Dominguez.
Idinagdag pa ni Nathalie na excited siya sa unang sabak niya sa indie film.
“I’m so excited. Kasi sa first indie film ko, daring talaga ang role ko. I’m very excited pero I’m scared din at the same time, dahil nga sa papel ko rito.”
Ang Balatkayo ay mula sa BG Productions International ni Ms. Baby Go with Dennis Evangelista as supervising producer. Ito’y pamamahalaan ni Direk Neal ‘Buboy’ Tan. Bukod kay Nathalie, tinatampukan din ito nina Aiko Melendez, James Blanco, Rodjun Cruz, Bryann Foronda, at iba pa.
Hanggang saan ang kaya niya sa pagpapa-sexy? “Basta kailangan sa istorya, gagawin ko. Open ako kahit sa ano,” nakangiting sagot niya.
Game ka ba sa nude scene?
“Actually to be honest with you, yeah. I mean, kung nude lang para magpakita ng katawan, hindi, pero kung nude na kailangan talaga sa istorya, okay lang sa akin.”
Pero nilinaw din ni Nathalie na hindi ibig sabihin na palaban siya sa paghuhubad ay basta-basta na lang siyang magbibilad ng katawan sa pelikula.
“I mean, kapag napakaganda talaga ng istorya na kailangan ko mag-nude, okay lang sa akin. Pero hindi naman ‘yung ipapakita ko na talaga iyong buong private parts ko. Puwede naman nating gawan ng paraan, puwede namang implied.
“Pero, kung kinakailangan lang talagang maghubad at hindi iyong basta lang makapaghubad. Of course, ang gusto ko namang mas mapansin ay kung ano ang kaya kong ipakita pagdating sa acting,” diin pa ng 23 year old na Fil-Australian aktres.
ALAM MO NA! – Nonie V. Nicasio
