Panaginip mo, Interpret ko: Nag-inom ng beer nalunod sa pool

Hello Señor H,

Ako c Wheng nanaginip ako na umiinom ng beer, tas nagtaka ako maya2 ay napunta ako sa pool at nalulunod na ako, what kya ipnhihiwatig ng pngnip ko? tnx po don’t post my cp #

To Wheng,

Kapag nanaginip na umiinom ng alcohol o ng alak, ito ay nagsasaad na naghahanap ka ng pleasure o ng pagtakas sa mga suliranin o isyu na ayaw mong harapin. Kung wine ang iyong iniinom, ito ay simbolo ng divine power. Ang panaginip na umiinom ng beer ay nagre-represent ng happiness, relaxation, and/ or inspiration. Ikaw ay malaya sa mga alalahanin at masaya sa pagkakataong iyon. Ang ganitong panaginip ay may kaugnayan o may sinasabi rin hinggil sa iyong social life.

Ang panaginip na nalulunod ay nagsasaad na ikaw ay nakadarama ng overwhelmed emotions. Maaari rin na may mga repressed issues na bumabalik sa iyo. Posible rin na masyadong mabilis ang pagpoproseso mo sa pagdiskubre ng iyong subconscious thoughts. Dapat na maghinay-hinay at maging maingat sa mga ganitong bagay. Sakali namang sa panaginip mo ay namatay ka sa pagkakalunod, ito ay may kaugnayan sa emotional rebirth. Kung nakaligtas ka naman sa pagkakalunod, ito ay nagsasabi na malalagpasan ang mga pagsubok na iyong pagdaraanan. Kapag naman may nakitang nalulunod sa iyong panaginip, ito ay nagpapa-alala sa iyo na ikaw ay masyadong nagiging involved sa isang bagay na wala ka nang kontrol. Alternatively, ito ay nagre-represent ng sense of loss sa iyong sariling identity. Hindi mo na alam ang kaibahan mo o ang tunay mong pagkatao. Kapag naman napanaginipan mo na may iniligtas ka sa pagkalunod, ito ay nagpapakita ng matagumpay na pagkilala sa ilang emotions and characteristics na sumisimbolo sa biktima ng pagkalunod. Kung hindi ka nagtagumpay sa pagsaklolo sa nalulunod, ito ay nagsasabi na manhid ka na sa takot. Ikonsidera ang sitwasyon na ang iyong pangamba o takot na ang siyang nagdidikta sa mga bagay na dapat gawin o sa iyong mga aksiyon.

Señor H.