ABS-CBN workers, kinikilig din kina Alden at Yaya Dub (Jhong, naki-AlDub wave rin)

PATI si Jhong Hilario ay naki-wave na rin na parang AlDub.

Nakita namin ang kumalat na photo niya sa Facebook na kumakaway siya na parang sinaMaine Mendoza and Alden Richards. Parang AlDub wave ang kanyang ginawa sa photo na ‘yon sa kanyang Instagram account.

Aware na aware si Jhong sa kasikatan ng AlDub wave kaya naman siguro ginaya rin niya iyon.

Pero ang tanong ng marami, kung nagaya niya ang wave, hindi kaya nanonood din siya ng Eat! Bulaga.

Anyway, hindi lang naman si Jhong ang kilig na kilig sa AlDub love team. Maging ang ibang workers ng ABS-CBN ay tila nakatutok sa noontime show ng Siete dahil nagpakuha pa sila ng picture na kumakaway sila na parang sina Alden Richards at Yaya Dub. It was a group photo at kalat na kalat na iyon sa social media.

Teka, hindi kaya sila makuwestiyon ng Dos sa post nilang iyon dahil nagpapakita iyon ng suporta sa kalabang show?

Anyway, talagang popular na ang AlDub love team and many were apparently riding on their popularity. Lahat na yata ay ginagaya ang pamosong AlDub wave.

UNCUT – Alex Brosas