HATAW! D'yaryo ng Bayan hatawtabloid.com
BUKAS, Agosto 12, na masasaksihan ang pinakamalaki at pinakahihintay na romantic drama ng kasalukuyang season, ang The Love Affair na nagtatampok kina Richard Gomez, Bea Alonzo, at Dawn Zulueta.
Bagamat directorial debut ito ni Nuel Naval sa ilalim ng Star Cinema, marami ang napahanga ni Naval sa husay ng pagkakagawa niya sa istoryang isinulat ni Vanessa R. Valdez.
Actually, napakasuwerte ni Naval na maidirehe ang mga magagaling at de-kalibreng artista. Kaya naman ganoon na lamang ang kasiyahan at pasasalamat niya bdahil hindi siya nahirapan sa tatlo. Bukas, makikita na kung paano niya nakayang balansehin ang pagtatagpo ng tatlo.
Ang The Love Affair ay tungkol sa tatlong magkakaibang tao na pinag-iisa ng pag-ibig. Ang isa sa kanila ay si Patricia (Zulueta) na isang maybahay na naghahanap ng kapatawaran matapos magkamali. Ang isa naman ay si Vince (Gomez), isang lalaki na naghahangad na maging mabuting asawa at provider na gagawin ang pinakamahalagang desisyon sa kanyang buhay. At ang isa ay si Adie (Alonzo), isang babaeng nadurog ang puso na naghahanap ng kaligayahan sa buhay matapos makipaghiwalay sa minamahal.
Saksihan kung paano maaapektuhan ng isang love affair ang buhay ng tatlong tao at alamin kung may karapatan ang isang tao na manakit ng kapwa matapos masaktan ng iba.
SHOWBIZ KONEK – Maricris Valdez Nicasio
