Feng Shui: West part ng bahay may kaugnayan sa pagyaman

ANG west part ng inyong bahay ay may kaugnayan sa iyong pagnanais na yumaman, feeling romantic at pagiging kontento, habang ang north-west ay may kaugnayan sa feeling in control, pagiging organisado at pagkilos nang ginagamit ang talino.

Ang mga aspetong ito ng iyong buhay ay maaaring maapektuhan kung mayroon kang ano mang bagay na nagbubuo ng fire chi roon. Ito ay maaaring boiler, cooker (gas or electric), fireplace o oven.

Ang west and north-west areas ay may kaugnayan sa metal chi, at ang enerhiya nito ay maaaring mawasak ng fire chi kung may kakulangan sa soil chi. Ang solusyon dito ay ang pagdagdag ng maraming soil chi upang ma-harmonize ang fire at metal chi.

Ang pinakamadaling paraan sa paggawa nito ay ang paggamit ng bagay na nagdudulot ng malakas na soil chi energy. Ang convenvient option ay ang paglalagay ng charcoal sa clay pot (maipapayo ang paggamit ng stick ng artist’s charcoal at pagpira-pirasuhin ito). Ito ay lalo pang mapagbubuti sa pamamagitan ng paglalagay ng pot sa ibabaw ng dilaw na tela.

Ang iba pang mga item na makatutulong ay ano mang bagay na yari sa clay, o bagay na dilaw at may low, flat shape. Idagdag pa rito, ang lupa sa halaman ay nagdudulot ng soil energy. Ang yellow flowering plant sa clay container ay lalo pang pagbubutihin ang mga ito.

ni Lady Choi