HATAW! D'yaryo ng Bayan hatawtabloid.com
NAGING social media senation ang isang cat-like creature sa Africa makaraan maispatan habang nakasakay sa likod ng rhino at buffalo, ngunit sa puntong ito ay nakuhaan siya ng video.
Ang maliit na nilikha ay isang genet, spotted carnivore na nakuhaan ng video habang nakasakay sa likod ng endangered black rhino sa South’ Africa’s Hluhluwe-iMfolozi Park.
Binansagan ng Wildlife ACT, tumutulong sa pag-monitor sa endangered animals sa parks at iba pang lokasyon sa Africa, ang munting nilikha bilang si Genet Jackson nitong nakaraan taon makaraan ilang beses na makuhaan ng larawan habang nakaangkas sa malalaking hayop.
Ayon sa organisasyon, ang footage na inilabas nitong nakaraang linggo ay pinaniniwalaang kauna-unahang ‘behavior’ na naidokumento sa video.
Pansamantalang hinayaan ng black rhino ang genet sa kanyang likod hanggang sa biglang tumakbo na tila pilit na inilalaglag ang munting nilikha.
Habang palayo sa camera, makikita ang genet habang nagsusumikap na kumapit sa likod ng rhino.
“This grumpy rhino certainly didn’t make things easy for our hitchhiking friend,” ayon sa organisasyon.
Bagama’t ang genet ay mukhang pusa, at ang ugali ay katulad din ng pusa, ito ay bahagi ng viverridae family, kaya siya ay maaaring malapit na kamag-anak ng civets at linsangs.
Gayonman, hindi malinaw kung ano ang layunin ng genet sa pagsakay sa malalaking hayop.
“We have learnt through the years never to assume that we know exactly what is going on in the bush,” ayon pa sa organisasyon. (THE HUFFINGTON POST)
