Text at call-a-friend sa Allow Entry & Departure imbestigahan!

KUNG inaakala ni Bureau of Immigration Commissioner Fred “pabebe” Mison na tapos na ang bangungot niya sa mga lumabas na issues na money making activities at irregularities sa kanyang administrasyon, ‘yan ay isang malaking akala lang.

Ano mang oras ay sasabog na raw ang mga matagal na nilang itinatago na Recall Exclusion Orders and Allow Entry Orders ng katakot-takot na Chinese, Koreans at Bombay.

Alam naman ng mga beterano sa bureau  na pagdating sa nasabing nationalities, mas malamang na may kaakibat itong presyo?

Karamihan raw kasi sa nasabing “Orders” sa mga hepe sa airport ay puro VERBAL at TEXT lang at puro “To Follow” din ang mga dokumento.

Ang balita natin galing sa concerned employees ng Immigration ang mga dokumentadong impormasyon na matagal nang nagtitimpi sa galit sa ginagawa ng “puppies” o tuta riyan sa BI-OCOM.

Lingid sa kaalaman ng BI-OCOM, may nakikipag-ugnayan na sa Kongreso at maging sa Senado para ilabas ang mga nakatagong dokumento na mag-uugnay kung gaano kalaking raket ang sasabog pag lumabas ang mga isyung ito.

Natural pilit itong itatanggi ng BI OCOM. Sasabihin nila na paninira na naman ito sa kanila.

Magtuturuan sila kaya malamang ang maiipit ay mga taong inutusan para tumawag o mag-text sa Immigration officer sa BI-NAIA?!

Ano kaya ang masasabi nina Atty. Plaza at Atty. Tansinco sa isyung ito?

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com