Gravity band, the pop-alternative fusion band!

MATAGUMPAY ang ginawang album launching ng grupong Gravity, na binubuo ng mga kabataang produkto ng The Voice Kids Philippines.

Sila ang mga kabataang pop-alternative fusion band na binuo ni RJ Tabudlo at kinontrata ng Ivory Music & Video. Ang Gravity ay binubuo nina Zack Tabudlo, Eufritz Santso, Rommel Bautista, Julienne Echavez, at Grace Alade.

Ang kanilang carrier single na Imposible na inirelease noong Marso ay kasalukuyang umaani ng magandang rebyu at napakikinggan sa airwaves sa mga radio at music channels.

Sa totoo lang mabilis na nakakuha ng following ang grupo kaya naman nang i-release ang kanilang album noong Abril pumatok agad ito. Hit na hit ang mga kabataang ito kaya sikat na sikat na rin sila sa Youtube. Katunayan tinawag na Team Gravity ang grupo ng mga kabataang umiidolo sa kanila

Kasama sa album ang fresh at youthful cover ng OneRepublics’ Counting Stars at ang awitin ni Michael Jackson na Man In The Mirror. Ang kahanga-hanga pa sa grupo ay sila mismo ang nag-arrange ng ilang mga awiting nakapaloob sa album. Patunay na hindi lang sila magaling kumanta, magaling din silang mag-compose at maglapat ng melody.

SHOWBIZ KONEK – Maricris Valdez Nicasio