HATAW! D'yaryo ng Bayan hatawtabloid.com
ARESTADO ng mga pulis ang isang Alabama robbery suspect nang habulin ng isang toro makaraan magnakaw sa isang bahay.
Sinabi ng pulisya sa lungsod ng Arab, sa northern part ng istado, ang suspek na si Brad Lynn Hemby, 26, at kasabwat na babae ay hinabol ng may-ari ng bahay nang mahuli sa akto ng pagnanakaw.
Si Hemby at ang kasamang babae ay tumakas lulan ng Chevrolet truck. Ngunit bumangga sila sa cow pasture, kaya tumakbo si Hemby.
“The driver… fled across a cow pasture and grabbed the attention of a bull roaming the field. The bull also gave chase along with deputies,” pahayag ni Marshall County Sheriff Scott Walls sa WHNT.
Natapos ang habulan nang masukol si Hemby sa barbed wire fence at sumuko, ayon sa WAFF.
Ayon sa pulisya, ang kasamang babae ay tumakbo patungo sa kakahuyan malapit sa crash site at tuluyang nakatakas.
Makaraan maaresto, narekober ng mga pulis ang ninakaw na kagamitan mula sa truck.
Si Hemby ay kinasuhan ng “burglary, criminal mischief and attempting to elude a police officer.”
(THE HUFFINGTON POST)
