Panaginip mo, Interpret ko: Hinabol ng multo

Hello sir Señor H,

Ngtxt ako dhil nngnip ako about sa multo, may lumabas dw na multo tas ay tumakbo ako takbo dw ako nang takbo. Anu kya ang pnhihiwatig ni2, tnx po sir wait ko ito sa Hataw, twgin nio n lng akung Boyastig ng Paco, Manila.

To Boyastig,

Ang panaginip hinggil sa multo ay sumisimbolo sa aspeto ng iyong sarili na kinatatakutan mo. Maaaring may kaugnayan ito sa painful memory, guilt, o ilang repressed thoughts. O kaya naman, ikaw ay natatakot sa patay o kamatayan. Alternatively, ang multo ay nagre-represent ng isang bagay na hindi na maaaaring makamit o within reach. Ito ay nagsasaad din na ikaw ay nakadarama na disconnected ka sa buhay at lipunan. Posible rin naman na ito ay isang panawagan sa iyo para mag-move-on at iwanan na ang makalumang pamamaraan ng pag-iisip at pag-uugali. Kung multo ng kaibigan o kamag-anak naman ang nakikita mo sa iyong bungang-tulog, may kaugnayan ito sa guilt at pagsisisi ukol sa nakalipas na relasyon sa mga partikular na taong ito na namayapa na. Dapat na alisin mo sa iyong sistema ang mga negatibong damdamin at kaisipan, at palitan ito ng positibo.

Ang panaginip mo naman na takbo ka ng takbo ay nagsasaad ng pag-iwas mo sa ilang isyu, hindi mo tinatanggap ang anumang responsibilidad sa mga bagay na nagawa mo. Sa kaso mo, maaaring ito ay may kaugnayan sa hindi mo pagharap sa mga bagay na kinatatakutan mo. May pagkakataon na nakadarama ka ng kawalan ng pag-asa. Gawin mong produktibo ang iyong buhay, ang mga negatibong bagay sa iyo ay baligtarin at gawing positibo. God bless you.

Señor H.