HATAW! D'yaryo ng Bayan hatawtabloid.com
Gud pm Señor H,
Vkit kaya madalas ko mapanaginipan yung ex ko? Medyo loveless ako now, may ka-date pero MU p lang, so d ko naman iniisip iyong ex ko, bakit kya ganun? TY po, wait ko iyo sa Hataw, dnt post my cp # Aquarius2015
To Aquarius2015,
Ang iyong panaginip ay posibleng may kaugnayan o babala na ang dating kabiguan at sakit na sinapit o naranasan sa piling ng ex mo ay maaaring mangyari ulit ngayon. Ang anumang natutunan sa iyong pakikipagrelasyon sa kanya ay dapat mong i-apply sa iyong karelasyon, sakaling mayroon na, upang hindi na maulit ang kabiguang naranasan dati. Dapat mong ma-satisfy ang iyong emotional needs at ang inner turmoil ay maresolba. Maaari rin namang kaya sumagi siya sa panaginip mo ay dahil sa mga bagay na nagsilbing trigger kaya mo siya napanaginipan. Ang mga halimbawa nito ay ang makita mo ang dating larawan ng iyong ex, regalong galing sa kanya, mga dating kaibigan o kakilala ninyo, ang mapagawi ka sa lugar na madalas ninyong puntahan noon, ang marinig ang dating themesong ninyo at mga katulad na sitwasyon o halimbawa. Kung ganito ang sitwasyon, walang dapat ipag-alala dahil iyon ang rason kaya mo siya napanaginipan. Posible rin namang may mga sitwasyon noon sa inyo ng ex mo ang gusto mong mangyari sa inyo ng karelasyon mo ngayon, kaya siya pumapasok sa isipan mo. Kumbaga, nagkakaroon ng comparison sa ex mo at sa iyong karelasyon ngayon, kaya siya lumalabas sa iyong bungang-tulog. Maaari rin na hindi ka masaya o satisfy sa iyong karelasyon, kaya pumapasok sa iyong subconscious ang dating karelasyon kahit hindi mo ito talaga gusto, at lumalabas nga siya sa iyong panaginip. Subalit kung wala naman ang mga elementong ito, at hindi mo na mahal ang ex mo, huwag mo nang isipin ang panaginip mong ito dahil maaaring ito ay nagkataon lamang bunsod ng ilang mga elemento o bagay na wala kang kontrol at wala naman talagang direktang significance sa iyo ang napanaginipan mo.
Señor H.
