HATAW! D'yaryo ng Bayan hatawtabloid.com
NAKATAKDANG kumita si eight-division world champ at Sarangani representative Manny Pacquiao ng nakalululang 1.5 mil-yong pounds, o US$2.23 milyon) mula sa kanyang boxing trunks, na kanyang isusuot sa pagharap sa kanyang super bout kay Floyd Mayweather Jr. sa Mayo 3.
Sa ngayon pa lang ay natitiyak na ang iuuwi ni Pacquiao na 54 milyong pounds mula sa kinasasabikang bakbakan sa MGM Grand Garden Arena sa Las Vegas ay madaragdagan pa ng isa’t kalahating milyong British pounds mula sa kanyang shorts.
Gagawing mas mahaba ang shorts na ito para mailagay ang mga advertising logo mula sa hindi bababa ng 10 kompanya, ulat ng pahayagang The Mirror.
Ipinaliwanag naman ng business manager ng Pambansang Kamao na si Eric Pineda, iba ang rate para sa labang ito kung ihahambing sa mga nauna, at sa kasalukuyan ay anim na ang kompirmadong kompanya na maglalagay ng kanilang logo sa trunks ni Pacman.
Dangan nga lang ay maliit pa rin ang kikitain ng kinatawan ng Sarangani kay Mayweather dahil ang wala pang talong pound-for-pound champion ng Estados Unidos ay tatanggap ng pambihirang 80 milyong pounds, o US$119 milyon, para sa welterweight showdown na binansagang ‘mega-fight of the century’ at ‘battle for greatness’ ng dalawang kampeon.
Kinalap ni Tracy Cabrera
