Kris at Claudine, magsasama sa Etiquette for Mistresses

KAPAG umokey na lahat ang schedule nina Kris Aquino at Claudine Barretto ay sila ang magkasama sa pelikulang Etiquette for Mistresses na ididirehe ni Chito Roño.

Base rin ito sa sagot sa amin ng taga-Star Cinema na, “inaayos ang sked (schedule)” ni Claudine nang tanungin namin kahapon.

Nagbigay na rin ng clue si Kris na si Claudine nga ang makakasama niya dahil aniya, nakasama na niya sa pelikulang Sukob na idinirehe rin ni Chito noong 2006 kasama si Maja Salvador.

Naibahagi ni Kris ito noong Sabado nang tumanggap sila ni Bimby Aquino Yap ng Platinum Stallion Media Awards mula sa Trinity University of Asia na pagkatapos niyang magpasalamat ay nabanggit nga niya na abangan din ang next movie project niya mula sa Star Cinema.

“Hindi ko pa puwedeng banggitin kung sino ang mga co-star. Hint na lang po, ‘yung isa roon, nakasama ko sa pelikulang ‘Sukob’. Sana abangan niyo po,” say ni Kris.

ni Reggee Bonoan