HATAW! D'yaryo ng Bayan hatawtabloid.com
MAS level up na ang kilig, good vibes, at challenges sa charming drama series ng ABS-CBN na Dream Dad lalo na ngayong nalalapit na ang pagwawakas ng teleseryeng pinagbibidahan ng Kapamilya ‘couple’ na sina Zanjoe Marudo at Jana Agoncillo.
Simula ng umere ito noong Nobyembre 2014, gabi-gabing namayagpag ang Dream Dad sa national TV ratings dahil sa good vibes na hatid nina Baste (Zanjoe) at Baby (Jana), at sa nakakikilig na love story nina Baste at Alex (Beauty Gonzalez), o mas kilala sa tawag na ‘BasLex’ love team.
Sa huling dalawang linggo ng teleserye, tiyak na mas kapana-panabik ang mga susunod na tagpo ngayong sinagot na ni Alex si Baste, at ngayong handa nang ipaglaban ni Bebeth (Yen Santos) ang karapatan niya sa anak na si Baby. Magagawa ba ni Baste na ibalik si Baby sa tunay nitong ina sa oras na magpakilala na ito sa kanila?
Sa huli, ano ang kanilang gagawin upang mabigyan si Baby ng masaya, kompleto, at puno ng pagmamahal na pamilya?
Samantala, personal naman na pasasalamatan nina Zanjoe, Jana, at Beauty ang kanilang mga tagasuporta ngayong Linggo (Abril 12) sa espesyal na fans day na inihanda ng Dream Dad sa SM City Marilao, 5:00 p.m..
Huwag din palampasin ang Yes, Yes, Yes finale ng feel-good family drama series na Dream Dad sa Abril 17 (Biyernes), pagkatapos ng TV Patrol sa ABS-CBN Primetime Bida.
ni Reggee Bonoan
