HATAW! D'yaryo ng Bayan hatawtabloid.com
USO ngayon ang mga batang artista at kabi-kabila ang kanilang teleseryeng nilalabasan. Kaya naman hindi nalalayo ang child actor na si Dindo Jake Fernando, Jr., apo ng namayapang drama actor na si Dindo Fernando sa kaway ng showbiz.
Napapanood lang ng child actor ang kanyang lolo sa cable TV at gusto niyang gayahin ito sa pag-arte dahil hinilig din nito ang pag-aartista sapul pa sa pagkabata. Paborito nga niya si John Lloyd Cruz.
Grade VI na si Dindo Jake sa Xavier School at kahit mag-artista, hindi niya pababayaan ang pag-aaral.
Nakita si Dindo ni Direk Dinky Doo at nang malamang gusto palang mag-artista ay isinama agad siya ng director sa unang pelikula niyang 1 Day, 1 Araw (I Saw Nakakita).
Nagulat nga si Direk Dinky dahil unang salang pa lang ay alam na agad ng bagets ang kanyang lines bukod pa sa natural umarte at marunong sumunod sa instruction ng direktor.
“Mahusay siyang umarte dahil nasa dugo niya ang pag-aartista”, anang direktor.
Mahusay din siyang makisama sa lahat kaya magkasundo sila ng bidang siAlaina Jezl Ocampo. Pagkatapos ng pelikula ni AJ, ilulunsad naman sa pagiging bida si Dindo Jake sa Hating Kapatid Rock N Roll Bang na tatampukan din ninaEric Fructuoso, Ritz Azul, Nina, Zandro Muhlach, Kier Legaspi, Bentot Jr. at ipakikilala si Jahviel C. Clarion bilang Dinky Dah. Ito’y sa direksiyon din ni Dinky Doo.
ni Maricris Valdez Nicasio
