HATAW! D'yaryo ng Bayan hatawtabloid.com
ni Alex Brosas
NAKAKALOKA itong sina Kathryn Bernardo and Daniel Padilla. Hindi kasi nila masagot ng diretso kung paano nila i-celebrate ang Valentine’s Day.
“Balak talaga namin na…baka mag-promo kami. Hindi, ano muna, tapusin muna namin ito. After ng promo ay may dubbing pa, after niyon showing na. Pagkatapos niyon ay may block screening naman pero bigyan natin ng oras ‘yon. Sa ano na lang po, bago na po ang date ng Valentine’s Day, eh, 25th (the playdate of their movie) na ngayon,” say ni Daniel during the presscon of Crazy Beautiful You.
Ayaw din nilang sagutin kung ano ang gusto nilang ibigay sa isa’t isa na gift.
“Oo ‘yun nga. Bigyan ko naman daw siya (Kathryn) ng gift. Hindi naman (siya) nanghihingi. Rati kasi raw lagi ko siyang nabibigyan. Kaso ngayon hindi ko na nabibigyan. Nagipit ‘yung ano…,” say ni Daniel.
“Trabaho, puro kami work. Binibigyan ko naman siya ng pagkain. Lately ganoon,” dagdag ng binata.
Nang matanong naman si Kathryn kung ano ang gustong matanggap na regalo ni Daniel, sabi niya ay it’something ”na mga gusto ng lalaki.
“Ano siya, alam ko rin naman kahit paano like mahilig siya sa shades, anything instruments like synthesizers,” say ng dalaga.
Tulad ni Daniel, wala ring time si Kath na mamili ng gift kasi, ”may shooting kami everyday kaya wala ng time para bumili.”
“Puwede namang bumili kahit hindi Valentine’s Day, sa ibang araw,” say niya.
Nang matanong kung iyon nga ang gustong matanggap na regalo, Daniel said, ”Kasi po si Kathryn kapag kinakausap ko ang barkada ko ay nakikinig siya (kaya alam niya). Hindi naman ako nagpaparinig.”
