HATAW! D'yaryo ng Bayan hatawtabloid.com
LOVE signs! May kinalaman sa signs na inaabangan niya ang ipamamalas na karakter ng gagampanan ni Nadine Lustre bilang si Carmina sa pang-araw ng mga pusong handog ng MMK (Maalaala Mo Kaya) sa mga taga-subaybay nito sa Sabado (Pebrero 14, 2015) sa ABS-CBN.
Siyempre, ang kasalo bilang nagpapakilig sa mga eksena nila sa karakrer naman nito bilang si Yong eh ang idinidikit na sa ikot ng buhay ni Nadine na si James Reid!
Kaya siguradong matutuwa ang JaDine followers sa treat na ito ng MMK para sa lahat.
Siniguro naman ni direk Frasco Mortiz na hindi lang basta kikiligin ang mga manonood sa gagampanan ng kanilang mga idolo. Mananamnam din ng mga manonood ang pinagdaanan nina Yong at Carmina sa love story tungkol sa isang na-in love na dilag na ang sinusunod eh ang mga palatandaang maghahatid sa kanya kay Mr. Right!
Matutulungan pa rin ba ng mga love sign sina Yong at Carmina sa sandaling dumaan sa pagsubok ang kanilang relasyon?
Joining JaDine in this MMK Valentine special are Sharmaine Arnaiz, Hyasmin Neri, Andre Garcia, Aina Solano, Erin Ocampo, Myrtle Sarosa, Nicole Barranda, Kyra Custodio, Axel Torres, Onse, Noel Colet, at Marites Samson from the script ofBenson Logronio and Arah Jell Badayos.
Ang MMK ay pinamumunuan ng business unit head nito na si Malou Santos at creative manager na si Mel Mendoza-Del Rosario.
Gaano kainit na nga ba ang tambalang JaDine na itinatapat sa KathNiel? ni Pilar Mateo
