Angelica, masaya sa resulta ng That Thing Called Tadhana sa box office

ni Roland Lerum

IPINALABAS na rati ang That Thing Called Tadhana pero ibinalik ngayon sa mga sinehan ang directorial job ni Antoinette Jadaone at pinagtatambalan nina Angelica Panganiban at JM de Guzman. Dito nag-best actress si Angelica sa 19th Cinema One Originals. Malakas ang pelikula dahil na rin sa strong machinery ng Star Cinema. Mas malakas ito kaysa Halik Sa Hangin na na-pullout sa ibang mga sinehan sa Metro Manila.

Sabi ni Angelica, masaya siya sa resulta ng box-office hit. Hindi raw siya nag-alangan na makapartner si JM kahit hindi siya kasing-bankable ng ibang aktor. Nag-enjoy naman daw siya ng ginawa niya ang pelikula. Never daw niyang naisip na gusto niyang manalo habang ginagawa niya ang pelikula.

“Basta pinabuti ko lang ang role ko. Ganoon naman ako kahit anong pelikula ang ginagawa ko. I do my best. ‘Yon lang,” sabi ni Angelica.

Wait and see pa rin ang drama ni Angelica kung pagtatambalin sila ng boyfreind niyang si John Lloyd Cruz. Malabo raw siguro this year kung may plano man sa kanila ang Star Cinema. Abala kasi si JLC sa ibang leading ladies kaya sa pakikipagbabalik-tambalan nito kina Bea Alonzo at Sarah Geronimo.