Panaginip mo, Interpret ko: Nadurog ang ngipin

Gandang hapon s u Señor,

Nanaginip po ako na nadurog ang ngipin ko. Joey ng Tanay Rizal paki txt na lang po d2 ang kasagutan. (09084095413)

To Joey,

Pasensiya ka na pero lagi kong sinasabi na sa Hataw nyo lang  mababasa ang interpretasyon sa mga tine-text ninyong panaginip. Sa rami nang nagte-text sa akin at sa haba ng sagot ko, baka mapudpod ang daliri ko at maubos ang load ko kung sasagutin ko ito.

Anyway, ang panaginip ukol sa natanggal, naalis, o nasirang ngipin ay kabilang sa tinatawag na most common dreams. Ang ganitong panaginip ay maituturing na hindi lamang horrifying at shocking, kundi, ito ay nag-iiwan din ng hindi maganda sa iyong alaala. Isa sa teorya ng ganitong uri ng bungang-tulog ay ukol sa agam-agam hinggil sa iyong itsura at kung ano ang pananaw sa iyo ng iba.

Mayroon din namang scriptural interpretation ukol sa bad o falling teeth na nagsasaad na inilalagay mo ang iyong faith, trust, at beliefs sa iniisip o sasabihin ng mga tao, imbes na sa word of God. Ang Bibliya ay nagsasabi rin na ang Diyos ay nakikipagtalastasan sa atin sa pamamagitan ng panaginip o vision upang maitago ang pride mula sa atin, upang mailayo ang mga tao sa hukay, upang mabuksan ang ating mga tainga (spiritually), at upang magbigay babala at maitama ng landas ang mga tao.Ang panaginip mo ay maaarin rin namang babala na may kinalaman sa negosyo o pagkakaparehan at hinggil din sa iyong kalusugan.

Maaaring napapabayaan mo ang mga bagay na ito at kailangan ang lubos na pagbibigay mo ng iyong oras o pagtutok dito. Kung nababahala ka naman dahil may mga nagsasabi na ang ganitong panaginip ay ukol sa kamatayan, ang mga matatanda ay may itinuturing na pangontra sa ganitong bungang-tulog. Pagkagising na pagkagising daw matapos managinip na natanggal o nasira ang ngipin mo, dapat ay magdasal at maghanap ka ng anumang punongkahoy, at sa maaabot na sanga nito na maaari mong kagatin, kagatin mo ito nang marahan (na hindi makakasira sa ngipin mo o makakasakit sa iyo). Walang scientific basis siyempre ito, subalit kung para naman sa ikapapanatag ng kalooban mo, wala namang mawawala sa iyo kung gusto mo itong gawin o subukan.

Señor H.