Arron, kakaririn na ang pagkanta

ni Ambet Nabus

NASA Cornerstone na rin si Arron Villaflor.

Nagulat pa kami sa bagong look nito na may bigote at balbas dahil aniya, ”ito ang kontrabida look na gusto ko Kuya Ambet.”

Lagi naming nakakasabay si Arron sa pagpapagupit dahil iisa ang tumatabas ng mga buhok namin at minsan nama’y nakakakuwentuhan namin ito ng bongga sa Faces & Curves, kaya’t lagi siyang may update sa amin.

Para raw kasing dumating na rin siya sa punto ng karir niya na gusto niyang masubukan ang ibang field. Sa Cornerstone raw ay naeenganyo siyang maging singer at ‘yun nga, mag-change image as an actor.

“Maiba naman. Ang feeling ko naman Kuya ay kaya ko,” hirit pa nito sa amin sabay pagsasabing kinakarir na niya ngayon ang pagbu-voice lessons.

At dahil nagpatubo na rin siya ng balbas at bigote, matagal-tagal din daw na panahon niya itong imamantina kaya sey naman ng gumugupit sa amin, ”mahirap-hirap na trabaho iyan.”